Balatək daşları öpən ay ana!

Filologiya üzrə fəlsəfə doktoru Şahnzaxanım Şükürzadənin yaradıcğından…

Gəl

Gülüşünlə, öpüşünlə yürü gəl,

Ey günahım, gəl bu gecə qoynuma!

Gəlişinə, sevişinə yox əngəl,

Ey vüsalım, hicranı sal oyununa!

 

Gəl qucaqla, sıx içində yox elə,

Kədəri az, sevincimi çox elə,

Bu sevginə ürəyimi tox elə,

Gəl yaıma, qolunu sal boynuma.

 

Bu gecənin ətrini çək qoxula,

Qoyma hicran aramıza sozxula,

Qollarıma başını qoy yuxula,

İsit məni ürəyinlə, sevgimizdən soyuma!

18.10.2022

 

Olsun

 

İstə bu şirin canımı,

Canım sənə qurban olsun.

Bir yada sal dildarını,

Halın mənə bəyan olsun.

 

Qaranlıqlar aydınlaşsın,

Bulanıqlar durulansın,

Vüsal bizə yaxınlaşsın,

Uzaqlaşan hicran olsun.

 

Bir gül olub qonçalandım,

Çiçəklənib ucalandım,

Məhəbbətdən ilhamlandm,

Nifrət solub ziyan olsun.

 

Tutduğum yol ilahimdən,

Güc qaynağım bilincimdən,

Dost pay alsın bilincimdən,

Düşmən bağrı ziyan olsun.

 

Kəsmişəm duz çörəyimi,

İstəyirəm gərəyimi,

Fərəhlətsin ürəyimi,

Yarım mənə həyan olsun.

 

Təmiz vicdan, halal çörək,

Düz ilqarlı olmaq gərək,

Nadürüstə çevir kürək,

Oxuduğun Quran olsun.

18.12.2022

 

Üçrəng bayrağım

 

Dünya bayraqları sıralarında

Vüqarla yırğalan, üçrəng bayrağım!

Qoy illər dolansın, əsrlər ötsün,

Ol zirvədə qalan, üçrəng bayrağım!

 

Zəfər bayramına işıqlı yoldun,

Azad Şuşamızın müjdəsi oldun.

Vətən günlərində göylərə doldun

Torpağa sancılan üçrəng bayrağım!

 

Elimin qeyrətli oğullarının

Əlilə silmisən çıxan canların

Alnından ləkəni gəlin-qızların.

Qürurla ucalan üçrəng bayrağım!

 

Şəhid anasına təsəlli olan,

İgid qanı dəyən yerlərə boylan.

Şanlı Zəfər Günü göydə qürurlan,

Dalğalan! Dalğalan! Üçrəng bayrağım!

09.11.2022

 

Balatək daşları öpən ay ana!

 

Balatək daşları öpən ay ana!

Bala qoxusunu verərmiş daşlar!

Məzarla dərdləşən dinən ay ana!

Sən demə, səsini dinlərmiş daşlar!

 

Saçlarını yolub yellərə verən,

Canından bir canı ellərə verən,

Gözündən qan-yaşı sellərə verən,

Ölüncə durarmış, dinərmiş yaşlar!

 

Oğluna bir bəylik ev bəzəmədin,

Qız üçün qapılar gəzə bilmədin,

Şöləndə toy aşı süzə bilmədin,

Yas üçün qismətdə var imiş aşlar.

 

Bu torpaq qan geyib, qanla sulanıb,

Vətənə can deyib, qana bulanıb,

Yolunda baş qoyub, oda qalanıb,

Bu yolda hələ çox verərmiş başlar!

08.11.2022

Müəllif:Şahnzaxanım Şükürzadə