Mingəçevir məktəbliləri beynəlxalq festivalda 6 medal qazanıblar-VİDEO+FOTO
Mingəçevir məktəbliləri SAF 2024 Beynəlxalq Yaşıl STEAM Azərbaycan Festivalınında uğura imza atıblar.
Elm və Təhsil Nazirliyinin dəstəyi ilə BAKI EXPO Mərkəzində İki gün davam edən Beynəlxalq Yaşıl STEAM Azərbaycan Festivalı yekunlaıb. Festivalda Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrinin şagirdləri də iştirak edib.
Kanal32.az-ın məlumatına görə bu dəfəki festivalda COP29-un Azərbaycanda keçirilməsi və 2024-cü ilin ölkəmizdə “Yaşıl dünya naminə həmrəylik ili” elan edilməsi ilə əlaqədar iştirakçılar STEAM əsaslı yanaşmanın tətbiqi üzrə ətraf mühitin sağlamlaşdırılması, su ehtiyatları və alternativ enerji mənbələrindən səmərəli istifadəyə dair innovativ həll yolları təqdim ediblər.Şagirdlər 9 kateqoriya üzrə müxtəlif mövzularda yarışdılar, mütəxəssislər tərəfindən iqlim dəyişmələri və dayanıqlılıq mövzularında təlimlərə cəlb olunublar. Daha sonra qaliblər müəyyənləşib.Maraqlı və əyləncəli keçən yarışda mingəçevirli şagirdlər 6 medal qazanaraq yarışı uğurla başa vurublar.
“Kanal32” Media Şəbəkəsi də onların sevincinə şərik olub.
Onu da qeyd edək ki,bu Mingəçevir şagirdlərinin davamlı uğurlarıdır. Onlar qatıldığı əksər yarışmalardan ancaq qələbə ilə qayıdıblar. Bu dəfə “VEX V5” kateqoriyası üzrə Mingəçevir şəhər Təbiət-Riyaziyyat və Humanitar Elmlər Təmayüllü Liseyin “Zəfər” komandası 2-ci yeri tutaraq gümüş medala layiq görülüb.
Həmçinin “Zəfər” komandası “BEST OF THE BEST” nominasiyası üzrə qalib olub. “Eco coding” kateqoriyası üzrə Mingəçevir şəhər D.Nağıyev adına 9 nömrəli tam orta məktəbin “Winners” komandası II yer tutub gümüş medala sahib olublar. “VEX İQ” kateqoriyası üzrə Mingəçevir şəhər Texniki Humanitar Liseyin “Born to win” komandası II yerə layiq görülərək gümüş medal qazanıblar.
Bürünc medal – “CubeSat” kateqoriyası üzrə Mingəçevir şəhər D.Nağıyev adına 9 nömrəli tam orta məktəbinin “Achi8ors” komandası-III yer
Bürünc medal – “VidX” kateqoriyası üzrə Mingəçevir şəhər Təbiət-Riyaziyyat və Humanitar Elmlər Təmayüllü Liseyin “Green world” komandası- III yer.
Bürünc medal – “VidX” kateqoriyası üzrə Mingəçevir şəhər M.Hüseynzadə adına 3 nömrəli tam orta məktəbin “Zəfər” komandası-III yer
“Zəfər” komandası həmçinin “STEAM AWARD” nominasiyası üzrə də qalib olub .
Mərkəzi Aran Regional Təhsil İdarəsinin əməkdaşı Zeynal Rəşidli şagirdlərin qazandıları uğurlarla bağlı deyib ki,Mingəçevir şəhərindən 9 komanda iştirak edib.9 komanda ümumilikdə 6 medal qazanıb.3 gümüş,3 bürünc medal.Bundan başqa isə komandalar bir neçə nominasiya üzrə qalib olub medallar əldə ediblər.
Qalib şagirdlərimizi , onların müəllimlərini, valideynlərini, məktəb kollektivlərini ürəkdən təbrik edir , yeni -yeni uğurlar arzulayırıq !
Esmira Hidayətova,
Mingəçevir