Nəzir qutuları Şeyxin inhisarından çıxarıldı

Ölkənin məscid və digər ibadətgahlarında qoyulan nəzir qutuları Qafqaz Müsəlmanları İdarəsinin nəzarətindən alınıb.

Kanal32.az xəbər verir ki,bu barədə Gununsesi.info QMİ-dəki mənbələrə istinadən xəbər verir.

Məlumata görə, artıq məscidlərdəki nəzir qutularına nəzarəti Dini Qurumlarla İş Üzrə Dövlət Komitəsi həyata keçirir.

Bununla belə mənbəmiz bildirib ki, məscidlərdə və digər ibadət ocaqlarında  maaşla çalışlan işçilərin pulları ödənməyib.

“Bu maaşlar nəzir qutularındakı pullar hesabına ödənilirdi” deyə mənbəmiz əlavə edib.

Xatırladaq ki, bir müddət öncə məscidlərə axun təyinatı da QMİ-dən alınaraq, adıçəkilən komitəyə verilmişdi.