Mingəçevirdən İspaniyaya-FOTOLAR

131

MDU-nun tələbələri Erasmus+proqramı çərçivəsində İspaniyada təhsil alacaqlar

Mingəçevir Dövlət Universitetinindən kanal32.az-a verilən məlumata görə, rektor Şahin Bayramov Avropa Komissiyasının “Erasmus+” proqramı çərçivəsində İspaniya Krallığının Vallodolid Unversitetində təhsil almaq hüququ qazanmış tələbələrlə görüşüb.

Toplantını giriş nitqi ilə açan Şahin Bayramov bildirib ki,hazırda beynəlxalq tələbə və müəllim mübadiləsi xüsusi önəm daşıyır və Mingəçevir Dövlət Universitetinin də xarici universitetlərlə əməkdaşlığın inkişafına xüsusi diqqət yetirilir.

Ş.Bayramov 2019/2020-ci tədris ilinin yaz semestrində İspaniyada akademik mübadilədə iştirak edəcək Zaur Məmmədovu, Aidə Qurbanovanı və Ülvi Aşurovu təbrik edib. O, tələbələrə “Erasmus+” proqramı çərçivəsində təqdim olunan imkanlardan maksimum faydalanmaqlarını tövsiyə edib. Ş.Bayramov xaricdə təhsil müddətində yüksək akademik nailiyyətlər əldə etməklə yanaşı, ölkəmizi layiqincə təmsil etməyin vacibliyini qeyd edib.

İspaniyaya gedən tələbələrin arzu və istəklərini dinləyən rektor onlara uğurlar arzulayıb, xaricdə olduqları müddətdə MDU ilə daim əlaqə saxlamalarını tövsiyə edib.

Avropada təhsil almaq üçün yaradılan şəraitə görə təşəkkürlərini bildirən tələbələr Vallodolid Unversitetində yüksək akademik göstəricilər əldə etməklə MDU-nu layiqincə təmsil edəcəklərinə söz veriblər.

Qeyd edək ki, MDU-nun digər iki tələbəsi 2019/2020-ci tədris ilinin payız semestrində İspaniyanın sözügedən universitetində akademik mübadilədə iştirak ediblər.