MDU-nun təşkiltaçılığı ilə Mingəçevirdə xeyriyyə sərgi keçirilib-FOTOLAR

Oktyabrın 10-da Mingəçevir Dövlət Universitetində (MDU) Mingəçevir şəhərinin 75 illik yubilieyinə həsr olunmuş rəsm-satış sərgisi keçirilib.

Kanal32.az-a verilən məlumata görə,xeyriyyəçilik məqsədi daşıyan sərgidə Mingəçevir Dövlət Universitetində təhsil alan tələbələrinin müxtəlif janrlarda hazırlanmış əl işləri təqdim olunub. Sərgidə Mingəçevir şəhər Təhsil sektorunun və şəhərin ümumtəhsil məktəblərinin rəhbərləri, mətbuat nümayəndələri, MDU-nun akademik və inzibati heyət üzvləri, tələbə və magistrantlar iştirak ediblər.

Ziyarətçilər tərəfindən böyük maraqla qarşılanan sərgidə tələbələrin fitri istedadı, fərdi bacarıqları və yüksək vətənpərvərlik ruhu diqqət çəkib. Vətən müharibəsi, Tarixi Zəfər, Şuşa, Azərbaycan-Türkiyə qardaşlığı, vətənpərvərlik, təbiət və digər mövzulara həsr olunan əl işlərinin nümayiş etdirildiyi sərgi bayram əhvalında keçib. Satış-sərgidən əldə olunan vəsaitlə nevroloji xəstəliklərdən əziyyət çəkənlərə və xüsusi ehtiyacı olan uşaqlara dəstək gösətəriləcək.

Qeyd edək ki, Mingəçevir şəhərinin 75 illik yubileyi münasibətilə MDU-da müxtəlif tədbirlər keçirilir.