Bələdiyyə sədri və sahibkarlar inzibati məsuliyyətə cəlb olundu-FOTO

Ağdaş və Mingəçevirdə proflaktik tədbirlər keçirilib.

Sanitar-gigiyena qaydalarının pozulmasına görə Ağdaşda bələdiyyə sədri, Mingəçevirdə isə sahibkarlar barəsində qanunvericiliyə uyğun tədbirlər görülüb.

Ağdaş rayonu və Mingəçevir şəhərində sanitar-gigiyena qaydalarının pozulması hallarının qarşısının alınması məqsədilə profilaktiki tədbirlər keçirilib. Daxili İşlər Nazirliyinin mətbuat xidmətinin Şəki regional qrupundan Kanal32.az saytına verilən məlumata görə, rayon( şəhər) polis şöbələrinin və Ekologiya və Təbii Sərvətlər Nazirliyinin əməkdaşlarının birgə iştirakı ilə keçirilən tədbirlər zamanı Ağdaş rayonunun Hapıtlı kəndində, Mingəçevirdə isə şəhər ərazisində məişət tullantılarının qalaqlanması faktları aşkar edilib.

Aşkar edilmiş faktlarla bağlı kəndin bələdiyyə sədri, Mingəçevirdə isə üç sahibkar barəsində İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsi ilə protokollar tərtib olunub.

Esmira Hidayətova,

Mingəçevir