Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 1 saylı Gəncə Regional Asan Xidmət Mərkəzinin könüllüləri ilə Gəncə Dövlət Milli Dram Teatrında görüş keçirilib.
KANAL32.az-a verilən məlumata görə,Gəncə Dövlət Milli Dram Teatrının Repertuar və dramaturgiya üzrə mütəxəssisi, teatrşünas-tənqidçi Anar Ərtoğrul Burcəliyev Asan könüllülərinə Gəncə Dövlət Milli Dram Teatrının 130 illik tarixi və yaradıcılıq yolu haqqında ətraflı məlumat verib. Daha sonra könüllülər teatrın inzibati binası ilə yaxından tanış edilib. Həmçinin Gəncə Teatr Muzeyində olaraq burada nümayiş etdirilən ekosponatlar haqqında ətraflı danışılıb.
Daha sonra Gəncə Dövlət Milli Dram Teatrının aparıcı səhnə ustası, Respublikanın Xalq artisti Pərvanə Qurbanovanın səhnə fəaliyyətindən bəhs edilən Rafiq Atakişiyevin qələmə aldığı “Səhnəmizin Pərvanəsi” və 44 günlük Vətən Müharibəsinin Gəncə şəhərindən olan ilk şəhid övladı İlqar Vüqar oğlu Burcəliyevin döyüş yolundan bəhs edilən Anar Ərtoğrul Burcəliyevin qələmə aldığı “Qayıtmayan igidim, Zəfərimin İlqarı” kitabları Asan könüllülərinə hədiyyə edilib.
Sonda Asan könülüllərini maraqlandıran suallar ətrafında geniş fikir mübadiləsi aparılıb.