Mingəçevirdə baş verən qəzada ana öldü, övladı ağır xəsarət aldı.
Kanal 32.az-ın məlumatına görə,hadisə Mingəçevir şəhər Samux küçəsi ünvanında baş verib. Mingəçevir-Bakı xətti üzrə fəaliyyəti göstərən”Mercedes Vito” markalı mikroavtobus öncə minik avtomobili ilə toqquşub, sonra idarəetmədən çıxaraq aşıb.
Qəza zamanı “Mercedes Vito” da olan 1989-cu il təvəllüdlü Yasəmən Həbliyeva aldığı xəsarətdən hadisə yerində dünyasını dəyişib. Avtomobildə olan digər sərnişinlər, rəhmətə gedən Y.Həbliyevanın övladı olmaqla 7 nəfər müxtəlif dərəcəli xəsarət alıb. Xəsarət alan şəxslər 1973-cü il təvəllüdlü Teyyub Məhərrəmov, 1985-ci il təvəllüdlü Elgiz İsmayılov, 1980-ci il təvəllüdlü Əlizamin Musayev, 1990-cı il təvəllüdlü Xəyalə Mirzəyeva, 1983-cü il təvəllüdlü Amil Nəbiyev, 1992-ci il təvəllüdlü Nuranə Mustafayeva və 2020-ci il təvəllüdlü A.Həbliyev Mingəçevir Şəhər Mərkəzi Xəstəxanasına çatdırılıb.
Faktla bağlı müvafiq qaydada araşdırma aparılır.
Esmira Hidayətova