Tariximin əzəli,
Natəvanın qəzəli,
Xan, Bülbülün nəfəsi,
Üzeyirin nəğməsi,
Sənə zəfər yaraşır!
Vaqifdən İlham alan
Qoşmalar çələngisən,
Gecələrin ayından
Ulduz çalan sehirsən.
Sənə zəfər yaraşır!
Xarıbülbül ətrindən
Gül qoxan təzə tərsən,
Əsgərimin səsində
Xudayar təsnifisən.
Sənə zəfər yaraşır!
Savalan zirvəsindən
Qartal təki qıy vuran,
Arazın o tayından
Şəhriyarın eşqisən.
Sənə zəfər yaraşır!
İgidlər məskənisən,
Musiqi beşiyisən,
Qafqazın incisisən
Şuşana yox bənzərin,
Sənə zəfər yaraşır!
Azərbaycanım mənim!
Sədidə Ömər
İstanbul Universiteti doktorantı, telejurnalist
08.05.2021 Şuşa