Polis karantin qaydalarını pozan deputatı cərimələdi-Mingəçevir də isə…-FOTO

Səbail rayon Polis İdarəsi Milli Məclisin deputatı Ramil Həsənov, onu müşaiyət edən şəxslər və Vəkillər Kollegiyasının Rəyasət Heyətinin üzvü Muxtar Mustafayev arasında bu gün səhər saatlarında Bakıdakı “Four Seasons” otelində baş vermiş çəkişmə barədə araşdırma aparıb.

Kanal32.az xəbər verir ki,DİN mətbuat xidmətinin rəhbəri Ehsan Zahidov virtualaz.org-a bildirib ki, araşdırma nəticəsində həmin çəkişmədə 10 nəfərin iştirakı müəyyən olunub. Onların hamısı Səbail rayon Polis İdarəsinə dəvət olunublar. Araşdırma nəticəsində müəyyən olunub ki, otelin foyesində sözlü mübahisə baş verib.

Ancaq Milli Məclisin deputatı Ramil Həsənov karantin rejiminin tələblərini pozub və qapalı məkanda tibbi maskadan istifadə etməyib. Bununla bağlı deputat İnzibati Xətalar Məcəlləsinin 211-ci maddəsi üzrə cərimələnib. Vəkil Muxtar Mustafayevə isə xəbərdarlıq edilib.

Maraqlıdır ki,Daxil İşlər Nazirliyi Milli Məclisin deputatını qapalı yerdə maska taxmadığına görə  cərimələdiyi halda, Mingəçevir Polis Şöbəsi şəhər mərkəzi xəstəxanasında Baş həkim daxil olmaqla xeyli sayda əməkdaşın karantin qaydalarını pozmasına göz yumur. Baxmayaraq ki, iyunun 17-də baş vermiş qanun pozuntusu ilə  bağlı polis şöbəsinə rəsmi məlumat verilib və faktı təsdiq edən fotolar mətbuatda yayımlanıb.

Kanal32.az