Ərdoğanla İlham Əliyevin avtobusdakı diqqətçəkən dialoqu-VİDEO

Azərbaycan Prezidenti İlham Əliyevlə Türkiyə dövlət başçısı Rəcəb Tayyib Ərdoğan, həyat yoldaşı Əminə Ərdoğan və onları müşayiət edən heyət Füzuli rayonundan Şuşaya gedərkən avtobusda tərəflər arasında olduqca səmimi və maraqlı söhbət olub.

KANAL32.az xəbər verir ki,həmin dialoqun görüntülərini “Haber Global”  televiziyası yayımlayıb.

Əminə Ərdoğan yol boyu əkin sahələrinin, hətta otların da ermənilər tərəfindən yandırılmasından dəhşətə gəldiyini gizlədə bilməyib. Prezident İlham Əliyev isə bildirib ki, 30 ilik işğal ərzində Füzuli rayonunda bir bina belə salamat qalmayıb.

“Biz Füzulini işğaldan azad edərkən istədik ki, bir binaya bayrağımızı asaq. Dedilər ki, bina yoxdur. İndi özünüz də görəcəksiniz. Füzuli şəhərini tamamilə dağıdıblar”, – deyə dövlət başçısı qeyd edib.

Dialoqunun sonunda Əliyev deyib ki, biz Xankəndinə də gedəcəyik

Kanal32.az