Bu ictimai birlik imkansız ailələrə yardım edəcək

49

“Uşaqların Gələcəyi Naminə” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası və Azərbaycan Respublikası Səhiyyə Nazirliyinin maliyyə dəstəyi ilə “Koronavirus pandemiyası ilə əlaqədar olaraq, aztəminatlı ailələrin ərzaqla təmin edilməsi” layihəsi üzrə fəaliyyətlərini davam etdirir.

Koronavirus pandemiyası ilə əlaqədar ölkəmizdə həyata keçirilən sosial dəstək tədbirləri öz işini müvəqqəti itirən bir sıra insanların sosial müdafiəsini getdikcə gücləndirir, vətəndaşların problemləri həll edilir. Eyni zamanda, işsizlərlə bağlı problemlər öz həllini tapır, əhalinin sosial rifahını qorumaq üçün digər mühüm addımlar atılır. Mövcud reallıq Azərbaycan dövlətinin neqativ tendensiyaları layiqli qarşılamaq, zamanın istənilən çağırışına cavab vermək iqtidarında və əzmində olduğunu nümayiş etdirir. Dövlətimiz məhz zəruri iqtisadi və maliyyə imkanlarına arxalanaraq daim ən çətin vaxtlarda xalqın rifahının qorunmasına, özəl və ictimai sektorun inkişafına öz dəstəyini göstərib və göstərməkdədir.

Odur ki, təşkilatımız da dövlət tərəfindən həyata keçirilən sosial siyasətə dəstək göstərmək məqsədilə zəruru imkanlar daxilində pandemiyadan ən çox zərər çəkən insanların müvəqqəti olaraq işləməməsini nəzərə alaraq, Bakı şəhərinin müxtəlif rayonlarında sorğu keçirtdi. Sorğuya əsasən yaranmış vəziyyətdən əziyyət çəkən ailələrin siyahılaşdırma mərhələsi artıq başa çatdırılmışdır. Həmin ailələrə birdəfəlik ərzaq yardımı kuponunun paylanılması üçün “Araz” marketlər şəbəkəsi ilə danışıqlar aparılmışdır. Yardım kuponlarının ünvanlara çatdırılması növbəti ayın ilk ongünlüyündə poçt xidməti vasitəsilə təmin olunması planlaşdırılır.

Könül Quliyeva

“Uşaqların Gələcəyi Naminə” İctimai Birliyinin sədri 

Kanal32.az