“Azərenerji”sədrinin öz şirkəti “Azərenerji”yə xüsusi geyimlər satacaq-FAKT

“Azərenerji” ASC bu gün müxtəlif xüsusi geyimlərin satın alınması ilə bağlı “Electro Service” QSC ilə müqavilə bağlayıb. 
Kanal32.az “Qaynarinfo”ya istinadla xəbər verir ki, müqavilənin dəyəri 686 min 75 manat olub.
Müqaviləyə görə, şirkət 150 dəst xadimələr üçün xələt, 1000 yağmurluq, 100 önlük, 250 köynək, 520 sviter, 2500 cüt ayaqqabı, 1300 fəhlə geyim dəsti, 1000 gödəkçə, 500 mühəndislər üçün geyim dəsti, 300 gödəkçə (mühəndislər üçün), 500 dəbilqə, 520 köynək, 520 dəri ayaqqabı, 520 mühafizəçi kostyumu, 520 cüt paqon, 520 emblem, 520 şevron qol, 520 kakarda, 520 qalstuk, 520 papaq, 520 gödəkçə (mühafizəçi üçün) alınıb, “Azərenerji”yə veriləcək.
 
Sadə bir hesablama ilə  müəyyən etmək olar ki, şirkət 13120 ədəd müxtəlif geyimin bir ədədini təqribən 52 manatdan “Azərenerji”yə satacaq.
Qeyd edək ki, 2018-ci il oktyabr ayının 8-də yaradılan şirkət Nərimanov rayonu, Heydər Əliyev prospekti, ev 187B ünvanında dövlət qeydiyyatına alınıb. Nizamnamə kapitalı 2 min manat olan şirkətin qanuni təmsilçisi Tural Əli oğlu Babayevdir.
Mediada yayılan məlumatlardan aydın olur ki, şirkət “Azərenerji” ASC-nin sədri Baba Rzayevə məxsusdur. Baba, Emin və Rahib Rzayev qardaşlarının idarə etdikləri şirkətlərlə eyni ünvanda daha bir neçə tikinti və təchizat şirkəti (“Electro Service” QSC və “Electro Construction” QSC – ilk adı “Verdikt Construction” MMC) yerləşir. Təkcə “Electro Service” QSC 2019-cu ildə “Azərişıq” ASC-yə 10,6 milyon manatlıq elektrik sayğacı, elektrik malları və aksessuarları satıb.

 

-Məlumat üçün qeyd edək ki, “Electro Service” QSC-nin  Balababa Rzayevin kürəkəni Fərid Fərhadzadəyə məxsus olduğu bildirilir. Ancaq “bacarıqlı kürəkən” in şirkətləri təkcə bundan ibarət deyil. Bakıda elektrik kabel və naqilləri istehsal edən “GökNur Bakı Ltd” şirkətin də baş icraçı direktoru Fərid Fərhadzadədir. Balababa müəllimin kürəkəninin və yaxın qohumlarının əsas şakəri ölkənin elektrik təsərrüfatıdır. Bacarıqlı kürəkənin “ağsaqqal Babab”nın qardaşları olan Emin və Rahib Rzayevlərin idarə etdikləri şirkətlərlə eyni ünvanda daha bir neçə tikinti və təchizat şirkəti (“Electro Service” QSC və “Electro Construction” QSC – ilk adı “Verdikt Construction” MMC) yerləşir.  Azərbaycan İstilik Elektirik Stansiyasının yenidən qurulmasında bir neçə milyonluq işləri həyata keçirən “Farcon” QSC də kürəkən F. Fərhadzadəyə məxsusdur.

Onu da qeyd edək ki, atasının verdiyi Balababa adddan imtina edərək özünün Baba elan etmiş “Azərenerji” şefinin qanunuz əməlləri ilə bağlı “Kanal32″nin redaksiyasına ilginc məlumatlar daxil olub. “Pomidor əməliyyatı”ndan tutmuş onlarla saxta sənədləşmələr və s…Hazırda redaksiya tərəfindən araşdırma aparılır. Növbəti buraxılışlarda geniş məlumat dərc edəcəyik…