Şəhidlərimizin xatirəsi Mingəçevirdə belə anıldı-VİDEO

Bu gün Vətən Müharibəsində şəhid olanların xatirəsi anılıb.

Kanal32.az xəbər verir ki, Prezident İlham Əliyevin imzaladığı sərəncama əsasən canlarını Azərbaycan Respublikasının ərazi bütövlüyü uğrunda qurban vermiş Vətən Müharibəsi şəhidlərinin əziz xatirəsi bu gün – dekabrın 4-də saat 12:00-da bir dəqiqəlik sükutla yad edilib.

Vətən Müharibəsində Silahlı Qüvvələrimizin 2 783 nəfər hərbi qulluqçusu həlak olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri təbdirlər görülür. Hazırda 1 245 nəfər hərbi qulluqçumuzun tibb müəssisələrində müalicəsi davam edir.

Mingəçevir şəhərində də şəhidlərimizin əziz xatirəsi bir dəqiqəlik sükutla yad edilib.Yüzlərlə insan Şəhidlər xiyabınına gələrək orada uyuyan Vətən oğlullarının müqəddəs ruhu qarşısında öz ehtiramlarını bildiriblər.

Allah bütün şəhidlərimizə rəhmət eləsin və yaralı hərbçilərimizə şəfa versin!

 

Kanal32.az