Gəncədə tikintidəki ölümü kimlər gizlədir? -VİDEOLAR

260

Redaksiyamıza Gəncə Olimiya İdman Komlpeksində fəhlənin hündürlükdən yıxılmasını özündə əks etdirən 2 videogörüntü daxil olub.

Hər il Azərbaycanda bir çox iş yerlərində, istehsalatda, xüsusən də tikinti sektorunda baş verən qəzalarda xeyli sayda insan həyatını itirir və ya müxtəlif dərəcli bədən xəsarətləri alaraq əlil olur. Baxmayaraq ki,təhlükəsiz əmək şəraitinin yaradılması işəgötürənin qanunvericiliklə müəyyən edilmiş əsas vəzifələrindən və öhdəliklərindən biridir. Ancaq iş qəzalarındakı hadisələrin statistikası göstərir ki, xəsarət alanların və həyatını itirənlərin böyük əksəriyyəti təhlükəsizlik qaydalarının təmin edilməməsi ucbatından baş verib.

Kanal32.az xəbər verir ki,belə hadisələrdən biri də bu günlərdə Gəncə şəhərində qeydə alınıb. Məlumatlı mənbənin iddiasına görə,şəhərin Nizami  rayonunun ərazisində yerləşən  Olimpiya İdman Kompleksində  fəhlə hündürlükdən  yıxılaraq ölüb.Ancaq olay gizlədilib.

Tikintidə çalışan işçilərdən birinin saytımızın vatsap nömrəsinə göndərdiyi videodan məlum olur ki, tikintidə təhlükəsizlik normalarının gözlənilməməsi bir yana, yıxılaraq xəsarət almış fəhləyə tibbi yardım göstərilmir.

Belə ki, Gəncə Şəhər İcra Həkimiyyətinin sifarişi ilə “Rövşən Oğuz Qrup” MMC  tərəfindən Yeni Gəncə yaşayış massivində  inşa edilən binada fəhlələrdən biri hüdülükdən yıxılıb. Bu zaman tikintiyə rəhbərlik edən şəxs hadisə yerinə Təcili Tibbi Yardım briqadası çağırmır. Yaralı isə aldığı xəsarətlərdən ağırı içində qıvrılır. Videogörüntüdən aydın olur ki, Düz 40 dəqiqədən sonra əraziyə Tibbi briqada yox,ağ rəngli 10-BF-017 dövlət nömrə nişanlı bahalı bir “Cip” gəlir. Fəhlələrin qucağında yaralı şəxs “Cip”ə qoyulur. Avtomobil isə “tısbağa sürəti” ilə tikinti aparılan yeri tərk edərək, hüquq-mühafizə orqanlarından gizlətmək məqsədi ilə naməlum istiqamətə gedir. Yıxılaraq xəsarət alan şəxsin aqibətindən isə xəbər yoxdur…Deyilənə görə, o,dünyasını dəyişib…

Tikintidə baş verən hadisəni özündə əks etdirən VİDEO-ları təqdim edirik:

Yəqin ki, bu sahəyə cavabdeh olan müvafiq qurumlar baş vermiş hadisəni araşdıracaq və hüquqi addımlar atacaq.

Hadisənin tam mahiyyəti ilə bağlı məlumatları dəqiqləşdirə bilmədik.Bütün bunlara rəğmən inşaat işini aparan şirkətin mövqeyini dərc etməyə hazırıq.

Mənbə:dünyanınsəsi.az